معرفة اذا كان الملف مصاب بفيرس الفديه

انا بحمل ملف ويندوز ١٠ بصيغة iso وخايف يكون عليها فيرس فديه فهل في طريقه اعرف بيها قبل ما اسطبها

حمل الملف من موقع ميكروسوفت الرسمي بالتأكيد نظيف وخالي من الفيروسات, بشكل عام افضل طريق للحماية هو تحميل الملفات من المصادر الاصلية والرسمية .

1 Like

ممكن طريقه تحميل من الموقع الرسمي

وانا حاليا بحمل من heidoc.net هل ده مش مضمون

موقع heidoc من المواقع المعروفة بتوفير اداة لتحميل اصدارات الويندوز المختلفة , لكن من وجهة نظري الشخصية خاصة اذا كان جهازك عليه ملفات مهمة او جهاز الشغل استخدام الموقع الرسمي .

ببساطة لو حملة نسخة الويندوز من الصفحة الرسمية علي موقع microsoft.com هيكون افضل بكتير وهتحمل احدث اصدار .

كمان تقدر تشتري النسخة بسعر رخيص في حدودل ٧ دولار من بعض المواقع المتاحة اونلاين .

1 Like

شكرا لاهتمامكم بالرد علي سؤالي

من الرابط السابق في صفحة Microsoft Software Download Windows 10 page حدد الاصدار المناسب حسب تحديث ويندوز ١٠ المتاح

ثم اعمل كونفرم بحيث تستطيع اختيار اللغة , مميز جداً ان قبل تحميل ملف ISO تحدد اللغة المناسبة خاصة لو محتاج اللغة العربية مثلاً او الفرنسية او الانجليزية الافتراضية .

هتحمل ملف ISO استخدم اي اداة لحرق الملف علي الفلاشة وابدء عمل الويندوز

1 Like

طب لو سمحت انا لما بدخل علي الرابط من اللاب مش بيجبلي الصفحه دي وبيجبلي تحميل media creation tool ولما بحملها واضغط علي ملف ايزو بيجبلي زي الصوره كدا

حسب السكرين شوت محتاج علي الاقل ٨ جيجا مساحة

للبدء في التحميل تأكد من وجود مساحة كافية قبل البدء علي الاقل ٨ جيجا علي C او غير مسار حفظ الملف حسب برنامج التحميل المستخدم في المتصفح لاي بارتشن اخري متاح فيها المساحة .

اداة media creation tool رائعة بمعني الكلمة , هتوفر امكانية اما عمل تحديث مباشر لنسخة الويندوز او تحميل ملف الايزو .

الافضل تختار ملف الايزو بحيث يصبح لديك القدرة علي حفظ الملف واستخدامه في اي وقت لاحق .

1 Like

مهو المشكله مفيش خيار عشان اغير مسار التحميل الي d لان انا معنديش اي مساحه في ال c

بتستخدم متصفح ايه في عملية التحميل ؟

1 Like

avast secure browser

في متصفح افاست تقدر تغير مسار تحميل الملفات لاي بارتشن اتبع الخطوات التالية

  1. من القائمة الاساسية في واجهة المتصفح حدد علي الاعدادات Settings
  2. في القائمة الجانبية حدد علي تصفح Browser
  3. من اختيار تحميلات Downloads
  4. اضغط علي تغيير Change
  5. تصفح جهازك وحدد المسار المناسب ثم تحديد Select

هتقدر تغير مسار حفظ الملفات التي يتم تحميلها في متصفح افاست

1 Like

بس المشكله مش في المتصفح المشكله في ال tool

فعلاً كلامك صح , لكن المشكلة ان الاداة تحتاج الي تثبيت بعض الملفات المؤقته لكي تتمكن من تحميل ملف الويندوز وهو ما لايمكن ان يتم إلا علي البارتشن ال C

بالتالي الحل الوحيد الان هو تحميل ملف الايزو بشكل مباشر من المتصفح

تحميل نسخة 32 bit من Win10_1903_V1_English_x32.iso

تحميل نسخة 64 bit من Win10_1903_V1_English_x64.iso

الروابط السابقة لاحدث اصدار من الويندوز 10 باللغة الانجليزية من الموقع الرسمي متاحة لمدة ٢٤ ساعة فقط حسب الموقع الرسمي .

1 Like

متشكر جداً لحضراتكم واسف اني تعبتكم معايا

لا مفيش داعي للاسف …

الاهم الان ان مشكلتك تتحل لو اي شيء حصل معك رد في التعليقات ووضح لو احتجت روابط معينة لاصدار اي لغة اخري مفيش مشكلة.

في النهاية اتمني من وقت لاخر تدخل معانا هنا وتشارك في حل مشاكل الاخرين حسب خبرتك كلنا واحد وبنساعد بعض

1 Like

ان شاء الله معاكم علي طول في اي حاجه اقدر اساعد بيها :smile:

2 Likes

تقدر تغير مسار التحميل لاى بارتشن على الكمبيوتر الخاص بك من خلال اداة media creation tool الرسمية التى تتيح لك أما تحديث الويندوز بشكل مباشر، أو تحميل اخر تحديث لويندوز 10 بصيغة أيزو وحفظه على الكمبيوتر، أو تحميل الايزو وحرقه مباشر على الفلاشة .

  • توجه إلى موقع مايكروسوفت “microsoft.com” وأنقر على “Download tool now”
  • بعد تحميل الأداة وعند التثبيت تحتاج إلى الموافقة على شروط الأداة
  • حدد على الخيار الثانى كما فى سكرين شوت أدناه

  • حدد لغة نسخة الويندوز، وإصدار الويندوز، والنواة سواء 32 بت أو 64 بت، وأنقر على NEXT

  • الخيار الأول هو لتحميل نسخة الويندوز 10 وحرقها مباشرة على الفلاشة
  • الخيار الثانى هو لتحميل أيزو الويندوز وحفظه على الكمبيوتر وحرقه على الفلاشة فى أى وقت عند الحاجة .

  • يفضل بالتأكيد التحديد على الخيار الثانى .

  • فى هذه الخطوة، حدد مسار حفظ الملف على أى بارتشن بجهاز الكمبيوتر الخاص بك حسب راحتك .

  • فى الأخير، تبدأ عملية التحميل ويتوجب عليك التحلى بالصبر لحين انتهاء الأداة الرسمية من مايكروسوفت من تحميل أيزو الويندوز 10 لأخر تحديث .


الخطوات أعلاه عن تجربة وأحببت ان اشاركه معكم حتى تعم الفائدة على الجميع .

1 Like

شكرا ليك بس هي كانت المشكله قبل خطوت اختيار ايزو او فلاشه كان بيعوز مساحه في الc 8جيجا وانا معنديش فحملت من الرابط الي فوق وبيحمل معايا الحمد لله وشكرا لاهتمامك مره تانيه :slight_smile:

1 Like